RUS
SMARTNEWS.KZ басылымының хабарлауынша, 18 мамыр күні Астана қаласында цирктік қойылым барысында оқыс оқиға болды.
Астанадағы цирк қойылымы қайғылы жағдаймен аяқталды. 18 мамыр күні өнер көрсетіп жатқан акробат қыз бес метр биіктіктен құлап, ауыр жарақат алды.
Көрсетілім кезінде әртіс трюк орындау барысында тепе-теңдігін жоғалтып, сахнаға құлаған. Оқиға көрермендердің көз алдында болған. Зардап шеккен өнерпазға бірінші болып әріптестері көмек көрсетіп, оны сахнадан алып шықты. Бірнеше минуттан кейін жедел жәрдем жетіп, қызды ауруханаға жеткізді.
Астана қалалық денсаулық сақтау басқармасы болған жағдайға қатысты ресми мәлімдеме жасады.
«Қыз циркте бес метр биіктіктен құлап, бас жарақаты мен ми шайқалу диагнозымен ауруханаға жеткізілді. Жалпы жағдайы – орташа, бірақ тұрақты», – делінген басқарма таратқан ақпаратта.
Қазіргі уақытта жарақат алған акробат дәрігерлердің бақылауында.
Оқиғаның салмақты болғанына қарамастан, цирк әкімшілігі шоу бағдарламасының 1 маусымға дейін жалғасатынын хабарлады.