RUS
SMARTNEWS.KZ басылымының хабарлауынша, айтыскер, медиа менеджер Мұхамеджан Тазабек марқұм Заманбек Нұрқаділовті еске алып, оның елге, өнерге сіңірген еңбегі туралы ой бөлісті. Бұл туралы ол журналист Жанар Байсемізге берген сұхбатында айтты.
— Мақпал Жүнісованың бетін ашқаным рас. Ол кезде жас келін иіліп, оқтау ұстап тұрған жоқ. Біз тек ырымын жасадық. Заманбек ағамыз өнерге ерекше жанашыр еді. Қарасай батырдың 300 жылдық мерейтойында маған «Волга» мінгізді. Үнемі қолдап жүретін. Үйінде бірнеше мәрте қонақ болдық, — деді Тазабек.
Сонымен қатар ол Нұрқаділовтің жұмбақ өліміне қатысты да пікір білдірді.
— Кейде шын шырылдағаныңның өзі қазаққа керек пе деп ойлаймын. Алтынбек пен Заманбек ағалардың өмірден өткені емес, өмірде болғаны пайдалы еді ғой. Қоғам кейде сені өлімге қия салатынын түсінуіміз керек. Мен марқұм ағамыздың өлімі туралы нақты ештеңе айта алмаймын. Түрлі болжамдар бар. Бірақ «Мына адам атты» деп кесіп айту қиын. Шындықтың бәрі ақыретте ашылады, — деді ол.