RUS
SMARTNEWS.KZ басылымының хабарлауынша, Астанада белгілі оқу орталығы төңірегінде жанжал шықты. Мектеп оқушыларының ата-анасы балаларының оқуы үшін қомақты қаражат төлегенімен, орталық кенет жабылып қалған. Бұл туралы "КТК" телеарнасының жаңалықтар қызметі жеткізді.
Астаналық 200-ден астам оқушының әке-шешесі ғаламтордағы блогерлердің жарнамасына нанып, бар тапқан-таянғанын орталық әкімшісіне санап берген.
"Қараша айының аяғында осы орталыққа келдік, Instagram арқылы. Блогерлердің жарнамасы күшті болды. Бірінші баламызға 1 800 мың деді, жеңілдік берді. Одан да қымбат екен. Бірақ дәл қазір төлейтін болсаңыз, банк арқылы бөліп төлеңіз деді. Сосын екінші ұлым оныншы сыныпта оқып жатыр. Оған 1 600 мың жеңілдік береміз деді", - дейді тұрғын Айнагүл Нұрмағамбетова.
Мұндағылар жарнамаға сенген қарашаны одан әрі қызықтыру үшін оқу ақысын бөліп төлеу мүмкіндігін де ұсынған. Ал бір үйден екі бала келсе, тіпті 2 миллиондық оқу ақысы 700-800 мың теңгеге бір-ақ қысқарыпты. Бір шикіліктің барын ата-аналар мұғалімдердің жиі ауысқанынан барып сезеді.
"Қаңтарда оқу басталды. Бір-екі айдан кейін бе, наурызда сондай сыбыс шыға бастады, "мұғалімдер сабаққа шықпай жатыр", "ауысып жатыр", "жалақы төлемей жатыр" деген. Жақында чатта видео жібергенде, ата-аналар Алматыда филиал жабылып қалды деді", - дейді өзге тұрғын Мұғайда Ахметғали.
"Балаңыз ағылшын тілін шемішкедей шағып, деңгейін TOEFL мен IELTS-ке жеткіземіз" деген уәде орындалмағанын айтқан ата-аналар түгел полицияға шағым жазды.
"Азаматтардың ұжыммен жазған өтініші негізінде Қылмыстық кодекстің 190-бабы, "Алаяқтық" бойынша қылмыстық іс қозғалды. Тергеуде оқу орталығына білім алу үшін төлем жасаған ата-аналар уәде етілген оқу қызметін алмағаны анықталды. Аталған факті бойынша сотқа дейінгі тергеп-тексеру жүргізіліп жатыр", - дейді Астана қаласы, Есіл ауданы ПБ бастығының орынбасары Ержан Құрақбаев.
Қазір оқу орталығының есігі тарс жабық, мөрленген. Ал шамамен үш-төрт күн бұрын "Ғасыр" орталығының әкімшілігі көшіп кетіпті. Ал ата-аналар төменгі қабаттан кері қайтуына мәжбүр. Орталықтың сайтында көрсеткен нөмірмен байланысу қазір мүмкін емес. Ал алданған ата-анаға құзырлылардан бір жауап болмағанша, алған несиесін кешіктірмей төлеуден басқа амал жоқ.
Астаналық 200-ден астам оқушының әке-шешесі ғаламтордағы блогерлердің жарнамасына нанып, бар тапқан-таянғанын орталық әкімшісіне санап берген.
"Қараша айының аяғында осы орталыққа келдік, Instagram арқылы. Блогерлердің жарнамасы күшті болды. Бірінші баламызға 1 800 мың деді, жеңілдік берді. Одан да қымбат екен. Бірақ дәл қазір төлейтін болсаңыз, банк арқылы бөліп төлеңіз деді. Сосын екінші ұлым оныншы сыныпта оқып жатыр. Оған 1 600 мың жеңілдік береміз деді", - дейді тұрғын Айнагүл Нұрмағамбетова.
Мұндағылар жарнамаға сенген қарашаны одан әрі қызықтыру үшін оқу ақысын бөліп төлеу мүмкіндігін де ұсынған. Ал бір үйден екі бала келсе, тіпті 2 миллиондық оқу ақысы 700-800 мың теңгеге бір-ақ қысқарыпты. Бір шикіліктің барын ата-аналар мұғалімдердің жиі ауысқанынан барып сезеді.
"Қаңтарда оқу басталды. Бір-екі айдан кейін бе, наурызда сондай сыбыс шыға бастады, "мұғалімдер сабаққа шықпай жатыр", "ауысып жатыр", "жалақы төлемей жатыр" деген. Жақында чатта видео жібергенде, ата-аналар Алматыда филиал жабылып қалды деді", - дейді өзге тұрғын Мұғайда Ахметғали.
"Балаңыз ағылшын тілін шемішкедей шағып, деңгейін TOEFL мен IELTS-ке жеткіземіз" деген уәде орындалмағанын айтқан ата-аналар түгел полицияға шағым жазды.
"Азаматтардың ұжыммен жазған өтініші негізінде Қылмыстық кодекстің 190-бабы, "Алаяқтық" бойынша қылмыстық іс қозғалды. Тергеуде оқу орталығына білім алу үшін төлем жасаған ата-аналар уәде етілген оқу қызметін алмағаны анықталды. Аталған факті бойынша сотқа дейінгі тергеп-тексеру жүргізіліп жатыр", - дейді Астана қаласы, Есіл ауданы ПБ бастығының орынбасары Ержан Құрақбаев.
Қазір оқу орталығының есігі тарс жабық, мөрленген. Ал шамамен үш-төрт күн бұрын "Ғасыр" орталығының әкімшілігі көшіп кетіпті. Ал ата-аналар төменгі қабаттан кері қайтуына мәжбүр. Орталықтың сайтында көрсеткен нөмірмен байланысу қазір мүмкін емес. Ал алданған ата-анаға құзырлылардан бір жауап болмағанша, алған несиесін кешіктірмей төлеуден басқа амал жоқ.