RUS
SMARTNEWS.KZ басылымының хабарлауынша, Батыс Қазақстан облысының Тасқала аудандық соты 30 жастағы фельдшердің өліміне қатысты 24 жастағы экс-полицей мен 19 жастағы жігітке үкім шығарды. Бұл туралы “Мой город” сайты жазды.
Қазақстандық басқа адамға қателесіп қоңырау шалғаны үшін мерт болды: БҚО-дағы экс-полицейге үкім шықты
Қылмыс болған түні медицина қызметкері достарымен үйде ішімдік ішкен. Ер адам досынан қарызға ақша алу үшін телефон соққысы келген, бірақ қателесіп сыныптас қызға қоңырау шалыпты. Қоңыраудың соңы фельдшер мен сыныптасының күйеуі арасындағы жанжалмен аяқталды.
Осыдан кейін әйел жағдайдың бәрін өз інісіне айтып беріпті. Інісі бұрынғы СОБР полиция қызметкері екен. Ол достарымен бірге фельдшерге барып, оны және тағы бір ер адамды ұрып-соққан. Салдарынан фельдшер жансақтау бөлімінде көз жұмды.
Экс-полицей мен оның бір досы 10 жылға бас бостандығынан айырылса, тағы бір ер адам “Бұзақылық” бойынша үш жылға бас бостандығын шектеу жазасына кесілді.
Қылмыс жасалған кезде бұрынғы полиция қызметкері әлі де арнайы жасақта жұмыс істеген.