RUS
SMARTNEWS.KZ басылымының хабарлауынша, оқиға 22 мамыр күні Сәтбаев қаласында болды. Ер адам тұрғын үйдің подъезінде жас қызға шабуыл жасаған.
Әлеуметтік желіде шабуыл сәтінің бейнежазбасы тарады. Бақылау камерасындағы кадрларға қарағанда, ер адам қызбен бірге подъезге кіріп, күтпеген жерден оны бұрышқа қарай сүйреп апарған.
Алайда жәбірленуші қатты айқайлап, көмек сұрағаннан кейін ер адам оқиға орнынан қашып кеткен.
Ұлытау облыстық полиция департаментінің мәліметінше, оқиға бойынша қылмыстық іс қозғалған.
Қылмыс ізін суытпай ашу мақсатында жедел іздестіру шаралары жүргізіліп, күдікті анықталып, уақытша ұстау изоляторына қамалды. Қазір тергеу амалдары жүріп жатыр, – деп хабарлады полиция өкілдері.