RUS
SMARTNEWS.KZ басылымының хабарлауынша, Қазақстандық Datanomix.pro стартапы Оксфорд Инсайд пен Open Contracting Partnership бірлесіп дайындаған халықаралық зерттеуге енді. Бұл туралы Digitalbusiness.kz жеткізді.
Бұл — мемлекеттік үдерістерде, әсіресе сыбайлас жемқорлықпен күресте, жасанды интеллекттің нақты пайдасын көрсететін жаһандық жарияланымдар сериясындағы алғашқы мысал. Зерттеуде аталғандай, қазақстандық жоба мемлекеттік сатып алуды бақылау үшін жасанды интеллектті тиімді пайдаланып отыр.
Стартап әзірлеген жүйе күн сайын тендерлерді талдап, автоматты түрде күмәнді жағдайларды анықтайды — бағаның негізсіз жоғары болуы немесе компаниялар арасындағы ықтимал сөз байласу сияқты. Бұл жүйе жұмысында GPT технологиясын қоса алғанда, ірі тілдік модельдер қолданылады.
Зерттеуде келтірілген мысалдардың бірі: жүйе нарықтағы бағасы 4 000 теңге болатын бір бума қағаздың 250 000 теңгеге сатып алынғанын анықтаған. Осы ескерту негізінде сатып алу тоқтатылған.
Оксфорд зерттеуінің авторлары Қазақстанның технологияны нақты өзгеріс құралы ретінде пайдаланып отырған басқа елдерге үлгі бола алатынын атап өтеді. Дегенмен, жүйе автоматтандырылғанымен, шешім қабылдау адам қолында қалады – ИИ тек назар аударуды қажет ететін тұстарды көрсетеді.