RUS
SMARTNEWS.KZ басылымының хабарлауынша,Астанадағы тұрғын үй лифтінде жасөспірім бетін пышақпен тілген 5 жасар баланың анасы ұлына шұғыл көмек керек екенін айтты. Бала шетелде жасалатын емге мұқтаж.
Астанада лифт ішінде пышақталған 5 жасар баланың анасы көпшіліктен көмек сұрап, баласының денсаулығы үшін күресіп жатыр. Анасының айтуынша, дәрігерлер бүлдіршінге "сол жақ бет жүйкесінің жарақаттан кейінгі нейропатиясы" деген диагноз қойған. Салдарынан баланың бетінің сол жағы қозғалмай қалған.
“Баланың бет жүйкесі зақымданған… Сол жақ беті жансызданып қалды”, – деп жазды баланың анасы.
Еске салайық, бұл оқиға ақпанда Астанадағы тұрғын үй кешендерінің бірінде болған. Лифт ішінде 14 жастағы жасөспірім пышақпен кішкентай балаға шабуыл жасап, бетіне бірнеше рет жарақат салған. Кейін белгілі болғандай, шабуыл жасаған жеткіншек психоневрологиялық диспансерде есепте тұрған және II топ мүгедегі ретінде тіркелген.