RUS
SMARTNEWS.KZ басылымының хабарлауынша, Ақтөбеде зейнеткер ерлі-зайыптыны аяусыз өлтіріп, әйелді бірнеше сағат кепілде ұстаған Сәрсенбек Басановтың ісі бойынша сот тыңдауы басталды. Оған Қылмыстық кодекстің үш бабы: «Адам өлтіру», «Бостандықтан заңсыз айыру», «Денсаулыққа қасақана зиян келтіру» бойынша айып тағылған.
Прокурордың айтуынша, Басанов бұрын бірге тұрған Э.Қазтуғановаға қатысты қызғаныштан қылмысқа барған. Ол 2025 жылы 13 қаңтарда Қазтуғанованың ата-анасының үйіне пышақ, лента, бұрағыш салып барған. Алдымен Қазтуғанованың анасын — Зина Шаймағанбетованы — 20 рет пышақтап өлтіріп, денесін жертөлеге жасырған. Артынша үйге келген Қазтуғанованы байлап, ұрып-соғып, бірнеше сағат кепілде ұстаған.
Көп ұзамай үйге өгей әкесі Б.Әлиев келіп, ол да Басановтың қолынан ауыр соққылардан қаза тапты. Сот-медициналық сараптамаға сәйкес, екеуі де көп қан жоғалтудан көз жұмған.
Бала мен туыстары полиция шақырып, ұзақ келіссөзден кейін Қазтуғанова босатылды. Басанов сол жерде ұсталды.
Іс бойынша төрт жәбірленуші бар: қаза болған екі адамның туыстары мен Э.Қазтуғанова. Марқұмдардың жақындары айыпталушыға өмір бойы бас бостандығынан айыру жазасын беруді сұрап отыр.