RUS
SMARTNEWS.KZ басылымының хабарлауынша, Алматыда GALANZ bottlers компаниясының 100 қызметкері күтпеген жерден баспаналы болды. Оларды марапаттау рәсіміне шақырып, іс жүзінде пәтердің кілтін табыстаған. Қызметкерлер мұндай сыйлық болатынын соңына дейін білмеген.
Пәтерлерді компанияның негізін қалаушы Тұрсын Алагузов табыстады. Сыйлық еңбегімен көзге түскен, көп жылдан бері компанияда жұмыс істейтін қарапайым жұмысшыларға бұйырды. Олардың 80 пайызы – жұмысшы мамандар, кейбірі 1998 жылдан бері еңбек етіп келеді.
Алагөзовтың айтуынша, бұл шешім жай пиар не маркетинг емес, шынайы алғыс:
"Көп жыл бірге жүрген жандарға жүректен шыққан алғысым – осы. Біреулер "бизнес жауапкершілігі" дер, мен үшін – бұл жанымның қалауы", – деді ол.
GALANZ bottlers – Қазақстан мен Орталық Азиядағы ірі сусын өндіруші. Компанияда 2000-ға жуық адам еңбек етеді, олардың жартысынан астамы – 35 жасқа дейінгі мамандар.