RUS
Гранттарды Ішкі істер министрінің орынбасары — Ұлттық ұланныңБас қолбасшысы Аңсаған Балтабеков жеке өзі табыстады.
— Республика бойынша 910 ұландық, соның ішінде елордалықбригададан 114 сарбаз Қазақстанның жоғары оқу орындарында тегін білімалуға мүмкіндік беретін сертификаттарға лайықты түрде ие болды. Бұл — жай ғана көтермелеу емес, бұл — қызмет барысында көрсеткен табандылықтарыңыздың, тәртіпке берік болуларыңыздың, білімге дегенқұштарлықтарыңыз бен қол жеткізген жоғары нәтижелеріңіздің жемісі. Мемлекет әскер мектебінен абыроймен өткен жастарға сенім артып отыр. Бұл сенімді ақтап, сапалы білім алып, ел дамуына өз үлестеріңізді қосып, келер ұрпаққа үлгі бола алатындарыңызға күмәнім жоқ, — деді А. Балтабеков.
Қарулы күштер мен еліміздің жоғары оқу орындары арасындағы бұлбастама 2023 жылдан бері жүзеге асырылып келеді. Келісімдерге сәйкес, мерзімді әскери қызметтен өткен азаматтарға мемлекеттік білім беру гранттары қарастырылған.
Мемлекет есебінен оқумен қатар, жастарға шәкіртақы, тегін жатақханажәне әскери кафедраға конкурстан тыс қабылдану мүмкіндігі беріледі.
«Срочник 2.0» жобасы – әлеуметтік белсенді әрі жауапты әскериқызметшілерді қолдауға бағытталған алғашқы бірегей байқау болды.
Еліміздің барлық өңірінен 5,5 мыңнан астам құқықтық тәртіп әскері сарбаздары байқауға қатысуға өтініш білдірді. Жеңімпаздар жауынгерлік даярлығы, тәртібі мен арнайы тапсырмаларды орындауы бойынша үздік нәтижелер көрсеткендер арасынан анықталды. Осы бағалар негізінде гранттардың бөлінуіне әсер ететін рейтинг қалыптасады.
— Әскердегі қызмет — бұл өмір мектебі. Әскерге шақырылғанға дейін Нархоз университетіне түсуді армандадым, бірақ көздегенім орындала ма, жоқ па білмедім. Құқықтық тәртіп бригадасында маған үздік қызмет еткен сарбаздардың тегін оқуға грант ұтып алу мүмкіндігі бар екенін айтты. Қызметтегі және оқудағы жетістіктерімнің арқасында осы грантты иелендім. Енді білімімді жалғастырып, ел игілігі үшін еңбек етемін, — деп бөлісті 5573 әскери бөлімінің әскери қызметшісі Даниял Қабдолла.
Айта кету керек, Қазақстанның 70-тен астам жоғары оқу орны байқаужеңімпаздарын оқуға қабылдау туралы меморандумға қол қойған.
Білім гранттарын табыстау — әскери қызметтің беделін арттырып, жастар үшін шынайы жеке және кәсіби өсу мүмкіндіктерін ашатын маңызды ынталандыру шарасы болды.