RUS
SMARTNEWS.KZ басылымының хабарлауынша, Ақтөбе халықаралық әуежайына Ресейдің Nordwind Airlines әуе компаниясына тиесілі ұшақ шұғыл қонуға мәжбүр болды. Бұл туралы әуежайдың баспасөз қызметі мәлімдеді.
Оқиға 2025 жылдың 27 мамырында сағат 12:40-та болған. Екатеринбург – Сочи бағыты бойынша ұшып бара жатқан Boeing-777 әуе кемесі борттағы жолаушының жағдайы күрт нашарлауына байланысты Ақтөбеге мәжбүрлі түрде қонған.
Әуежайға қонған сәтте жедел жәрдем мен шұғыл әрекет ету қызметтері дереу ұшаққа жіберілген. Алайда барлық медициналық шараларға қарамастан, 1983 жылы туған әйел жолаушы өмірін сақтап қалу мүмкін болмады – ол ұшақ жерге қонғанға дейін көз жұмған.
Ақтөбе халықаралық әуежайы марқұмның отбасына көңіл айтып, қайғыға ортақтасатынын білдірді.
«Біз ұшақ экипажына және жердегі қызмет мамандарына кәсіби жұмысы үшін алғысымызды білдіреміз», – делінген ресми хабарламада.
Қазір аталған оқиға бойынша тиісті органдармен бірлескен іс-қимыл мен тексеріс жүргізіліп жатыр.