RUS
SMARTNEWS.KZ басылымының хабарлауынша, Қытайда химия зауытындағы жарылыстан бес адам қаза тапты, алтауы із-түзсіз жоғалған.
Шығыс Қытайдағы Шаньдун провинциясында орналасқан химиялық зауытта болған жойқын жарылыс салдарынан кемінде бес адам көз жұмды, тағы 19 адам жараланған. Бұл туралы Қытайдың мемлекеттік CCTV телеарнасы хабарлады.
Оқиға 20 мамыр күні түсте, Вэйфан қаласының өнеркәсіптік ауданында тіркелген. Жарылыстан кейін алты адам із-түзсіз жоғалғандар қатарында.
Жарылыс болған зауыт — пестицидтер мен медициналық химикаттар шығаратын Gaomi Youdao Chemical Co.компаниясына тиесілі. Әлеуметтік желілерде тараған бейнежазбаларда зауыт үстін қою түтін басқаны, ал South China Morning Post порталы жариялаған видеода бір жұмысшының жарылысқа бірнеше секунд қалғанда цистернадан секіріп үлгергені көрінеді. Алайда оның тірі қалған-қалмағаны әзірге белгісіз.
Қытайдың Төтенше жағдайлар министрлігінің мәліметінше, оқиға орнына 232 құтқарушы мен 55 техника жұмылдырылған.
Жергілікті тұрғындардың айтуынша, жарылыстың күші соншалық, зауыттан шамамен 3 шақырым жердегіқоймалардың терезелері шағылған.
Қазірге дейін жарылыстың нақты себебі анықталған жоқ, тергеу амалдары жүргізілуде.