RUS
SMARTNEWS.KZ басылымының хабарлауынша, Елордада Сарыарқа аудандық криминалдық полициясы пәтер ұрлығына күдіктіні ұстады.
Оқиға Сарыарқа ауданында болған. Тергеу мәліметіне сәйкес, 42 жастағы азамат — жәбірленушінің көршісі, пәтер есігінің жабылмағанын байқап, үй иесі ұйықтап жатқан сәтті пайдаланған. Ол ішке кіріп, iPhone 15 маркалы ұялы телефонды ұрлап кеткен.
Жәбірленуші ұрлықты аңғарып, дереу полицияға хабарлаған. Криминалдық полиция жедел-іздестіру шараларын жүргізіп, күдіктіні қысқа уақыт ішінде анықтап, қолға түсірді.
Күдікті кінәсін мойындап, ұрланған телефонды қайтарды. Қазіргі уақытта аталған дерек бойынша сотқа дейінгі тергеу амалдары жүргізілуде.
Полиция департаменті қала тұрғындарын пәтерлерінің қауіпсіздігіне мұқият болуға және есіктерін әрдайым құлыптап жүруге шақырады.