RUS
SMARTNEWS.KZ басылымының хабарлауынша, Қырғызстанның Ош облысы Қара-Кұлжа ауданында ер адам әйелін қызғаныштан қатыгездікпен өлтірді. Бұл туралы марқұмның ауылдастары әлеуметтік желілерде хабарлаған.
Оқиға 26 мамыр күні болған. Ауыл тұрғындарының айтуынша, 38 жастағы әйел сол күні мектептегі 20 жылдық кездесу кешіне қатысқан. Осы жағдай күйеуінің ашу-ызасын тудырған. Ер адам әйелін үйге келген соң соққыға жығып, арқанмен жылқыға байлап, жермен сүйреген. Кейін оны атып тастаған.
Ош облыстық милициясы бұл ақпаратты растады. 26 мамыр күні 102 пультіне Қара-Кұлжа ауданының тұрғыны алған ауыр жарақаттарынан ауруханаға жетпей көз жұмғаны туралы хабар түскен.
Оқиға бойынша «Кісі өлтіру» бабы бойынша қылмыстық іс қозғалды. Сот-медициналық сараптама тағайындалды.
Күдікті — 40 жастағы марқұмның күйеуі — ұсталып, уақытша ұстау изоляторына қамалды. Тергеу жалғасып жатыр.