RUS
SMARTNEWS.KZ басылымының хабарлауынша, Шерзат Полаттың өліміне байланысты өтіп жатқан сот процесінде жәбірленуші тараптың адвокаты Мейірман Шекеев соттан Қаржаубай Нұрымовтың пайдасына ірі көлемде моральдық және материалдық өтемақы өндіруді сұрады.
Адвокаттың сөзінше, Абзал Шынасылдан жерлеу рәсіміне кеткен шығын ретінде 2 млн 794 мың теңге талап етілуде.
Бұдан бөлек, Абзал Шынасыл мен Равиль Сакиевтен жәбірленуші Қаржаубай Нұрымовтың пайдасына ортақтастық тәртіппен 100 млн теңге көлемінде моральдық зиян өтеу сұралды — яғни, әрқайсысынан 50 млн теңгеден.
Сотқа тартылған өзге тұлғалардан да ортақтасқан үлес негізінде жалпы сомасы 120 млн теңге өтемақы талап етілді. Бұл сома Нұрымовтың өзі ғана емес, оның анасы мен әжесінің пайдасына да есептелген.
«Жерлеу рәсіміне жұмсалған шығындардың түбіртектері қоса тіркелді. Моральдық зиян мөлшері психологиялық сараптама нәтижесіне сүйене отырып есептелді», – деді жәбірленуші тараптың адвокаты Мейірман Шекеев.