RUS
SMARTNEWS.KZ басылымының хабарлауынша, Павлодар облысының Ақкөл ауылында 2009 жылы туған ер бала суға батып көз жұмды.
Жасөспірім тыйым салынған жерде суға түскен. Бұл туралы Павлодар облысы төтенше жағдайлар департаментінің баспасөз қызметінен хабарлады.
- Екібастұзға қарасты Ақкөл ауылында болған қайғылы оқиға туралы хабарлама 2 маусым күні сағат 15.40-та келіп түскен. Екібастұз қаласы төтенше жағдайлар бөлімінің құтқарушылары шұғыл түрде көлге барып, сүңгуірлік-құтқару жұмыстарын жүргізді. Жасанды каналда сүңгуірлік-іздестіру жұмысын жүргізу барысында (суару арнасында) сағат 17.00-де 2009 жылы туған кәмелетке толмаған баланың денесі табылды. Куәгерлердің айтуынша, жасөспірім тыйым салынған жерде шомылған. Жағдайдың мән-жайы анықталып жатыр, - деп хабарлады департаменттен.
Департамент мамандары тұрғындарға су айдындарында қауіпсіздік шараларын қатаң сақтауға және шомылуға тыйым салынған су айдындарында суға түспеуді ескертеді.
Еске сала кетейік, Павлодарда жағажайлар ресми түрде бүгіннен бастап ашылады.