RUS
SMARTNEWS.KZ басылымының хабарлауынша, Өскеменде ер адамды ұрып өлтіріп, мәйітін Абай даңғылы бойындағы аурухана маңына тастап кеткен күдіктілер ұсталды.
Полицияның мәліметінше, жігіттер арасында жанжал туындап, арты жаппай төбелеске ұласқан. Бірнеше адам жәбірленушіге жабылып, ауыр соққылардың салдарынан ол оқиға орнында көз жұмған.
Күдіктілер мәйіттен құтылмақ болып, оны аурухана маңына тастап кеткен. Жедел-іздестіру шаралары нәтижесінде барлығы ұсталып, уақытша ұстау изоляторына қамалды.
Қазіргі таңда аталған факті бойынша қылмыстық іс қозғалып, тергеу амалдары жүргізіліп жатыр. Полиция өкілдері оқиғаның себептері мен толық мән-жайын анықтап жатыр.