RUS
SMARTNEWS.KZ басылымының хабарлауынша, танымал продюсер Гүлзира Айдарбекова Астана қаласында салынып жатқан жекеменшік сауда үйінің құрылысын көрсетті. Айтуынша, бұл — отбасылық инвестициялық жоба, ал ғимараттың құрылысымен жолдасы Нұртас Айдарбеков айналысып жүр.
"Нұрекең неге Астанада жүр?" деген сұрақтарға жауабымыз дайын. Бұл – біздің сауда орталығымыз. Осы жақта жылқылар бар, соларды реттейді. Болашақта балаларға күнкөріс қамы үшін салып жатыр. Біз көрмейтін шығармыз, бірақ немерелер рахатын көреді", – деп жазды Айдарбекова Instagram парақшасында.
Ол ғимараттың құрылысы біраз уақыттан бері жүріп жатқанын айтып, жұмыстың әлі де аяқталмағанын атап өтті. Продюсер бұл нысанның болашақ ұрпақ үшін салынғанын, әрі отбасының тұрақты табыс көзіне айналуы мүмкін екенін меңзеді.
Айта кетейік, Гүлзира Айдарбекова — Қайрат Нұртас секілді танымал әншілердің продюсері әрі әлеуметтік желідегі белсенді тұлға.
Желі қолданушылары бұл жаңалыққа оң пікір білдіріп, "Келешекті ойлаған дұрыс", "Немереге дейін жоспарлағаныңыз жарасады" деп қолдау көрсетті.