RUS
SMARTNEWS.KZ басылымының хабарлауынша, 4 маусым күні сағат 15:00 шамасында Батыс Қазақстан облысы Сырым ауданы Жымпиты ауылында жеке үйден өрт шығып, бір отбасының бес баласы қаза тапты.
Алдын ала мәлімет бойынша, өрт кезінде балалар үйде ересектердің қарауынсыз қалған. Жалын шамамен 30 шаршы метр аумақты шарпыған. Үй ішіндегі тұрмыстық заттар мен жиһаз жанған.
Оқиға орнына жеткен өрт сөндірушілер бес баланың мәйітін тапты. Облыстық денсаулық сақтау басқармасының мәліметінше, балалар ауруханаға өмір белгілері байқалмай жеткізілген.
«Дәрігерлер бар күшін салды, алайда балаларды аман алып қалу мүмкін болмады», – делінген ресми хабарламада.
Қайтыс болған балалардың жасы – 6, 5, 4, 3 және 2-де.
Өрт сағат 15:56-да толық сөндірілді.
Аудан әкімдігінің хабарлауынша, отбасы бұл үйді жалдап тұрған. Қайғылы оқиға кезінде әкесі жергілікті бос уақыт өткізу орталығында шаруашылық меңгерушісі, анасы ауыл дүкенінде жұмыс істеп жүрген.