RUS
SMARTNEWS.KZ басылымының хабарлауынша, Астанада автобус қағып, аяғынан айырылған 8 жасар Алуаның жағдайы ауыр күйінде қалып отыр. Бұл туралы қыздың ағасы өзінің әлеуметтік желідегі парақшасында хабарлады.
“Алуа мүлде ұйықтамайды. Күндіз де, түнде де жылап жатады. Кейде тынышталсын деп дәрі береміз. “Аяғым қайда?” деп сұрайды. Ол сұрақ біз үшін азаптың өзі. Жалпы жағдайы – тұрақты, – деп жазды қыздың ағасы.
Балалар омбудсмені Динара Закиева Алуаға барып, отбасының жағдайымен танысты. Оның айтуынша, протездеу мен оңалту мәселесі талқыланған.
“Алуашқа бардым. Анасымен бірге оңалту мен протездеу жайын талқыладық. Кішкентай қыз пицца жеді, үнемі көтеріп жүруді немесе серуендеуге шығаруды сұрайды", – деді Закиева.
Сонымен қатар, Закиева Алуаның отбасына қатысты барлық мәселе Астана әкімі Жеңіс Қасымбектің тікелей бақылауында екенін айтты.
Бұған дейін хабарланғандай, отбасыға 20 миллион теңгеге жуық өтемақы төленетіні белгілі болған.