RUS
SMARTNEWS.KZ басылымының хабарлауынша, Израиль билігі ХАМАС қозғалысының жетекшісі Мұхаммед Синвардың өлтірілгенін ресми түрде растады. Оның мәйіті Газа секторындағы жерасты командалық пунктінен табылып, Израильге жеткізіліп, танылды.
Синвардың мамыр айының соңында әуе соққысы кезінде қаза тапқаны туралы ЦАХАЛ (Израиль Қарулы күштері) сол кезде-ақ хабарлаған болатын.
Мұхаммед Синвар ХАМАС-ты өткен жылдың күзінен бастап басқарды. Ол өзінің ағасы – бұрынғы жетекші Яхья Синвар әуе шабуылымен өлтірілгеннен кейін оның орнына келген.
Еске сала кетейік, Газа секторында азық-түлік тарату пункті маңында Израиль сарбаздары оқ атқан. Нәтижесінде төрт адам қаза тапты. Ал Израиль тарапы “солдаттарға жақындауға тырысқан күдікті адамдарға” қарсы оқ атқанын мәлімдеді. Ол пункттер АҚШ қолдауымен құрылған гуманитарлық қор арқылы жұмыс істейді.