RUS
SMARTNEWS.KZ басылымының хабарлауынша, Украина президенті Владимир Зеленский ABC News-ке берген сұхбатында АҚШ Киевке беруі тиіс болған 20 мың зымыранды Таяу Шығысқа жібергенін мәлімдеді. Бұл зымырандар ирандық Shahed-ұшқышсыз аппараттарына қарсы қолданылатын арнайы технологиямен жабдықталған.
Зеленскийдің айтуынша, бұл қарулар Украинаға алдын ала уәде етілген, бірақ АҚШ оларды аймақтық шиеленіске дайындық аясында өз әуе күштеріне бағыттап жіберген.
Wall Street Journal хабарлауынша, Пентагон Конгреске жасырын түрде хабарлама жіберіп, арнайы детонаторлардың Украинаға емес, Таяу Шығыстағы АҚШ күштеріне берілетінін мәлімдеген. Бұл – АҚШ-тағы қару тапшылығы мен Таяу Шығыста ықтимал соғысқа дайындықпен түсіндіріледі.
Зеленский Трампты Ресейге қарсы санкцияларды күшейтуге шақырып, Еуропа АҚШ-тың ұстанымына қарап отырғанын айтты. Сондай-ақ, ол Трамппен Ватикандағы 15 минуттық кездесудің ресми Ақ үй кездесуінен де маңызды болғанын меңзеді.
Reuters дереккөздеріне сенсек, Ресей алдағы күндері Украинаға “ассиметриялық” соққы беруі мүмкін. Киевтегі стратегиялық нысандар нысанаға алынуы ықтимал. Бұл – 1 маусымдағы СБУ операциясы "Паутинаға" жауап ретінде қарастырылып отыр.
Қазіргі АҚШ президенті Дональд Трамп Украина "Паутина" операциясын жасаумен "Путинге себеп беріп қойды" деп мәлімдеді. Оның айтуынша, "Украина өз қолымен Ресейдің шабуылын заңдастырып берген".