RUS
SMARTNEWS.KZ басылымының хабарлауынша, АҚШ-тың атақты кәсіпкері әрі миллиардері Илон Маск Ақ үйде соққыға жығылған. Оны ұрған — қазіргі АҚШ қаржы министрі Скотт Бессент. Оқиғаның егжей-тегжейін Дональд Трамптың бұрынғы кеңесшілерінің бірі баяндаған.
Мәліметке сүйенсек, төбелес сәуір айының ортасында болған. Сол күні Маск пен Бессент Ақ үйге келіп, президенттің кабинетінде жоғары лауазымға тағайындауға қатысты пікір білдіруі керек болған. Алайда Трамп сайып келгенде Бессенттің ұсынысын қабыл алған.
Кеңесшінің айтуынша, кездесу аяқталған соң екеуі дәлізге шығып, сөзге келіп қалған. Екі жақ бір-бірін балағаттай бастаған, артынша Бессент Маскты “алаяқ” деп атаған.
“Сол кезде Маск регбидегі соққы іспетті Бессенттің кеуде тұсынан иығымен соққан. Бұған жауап ретінде қаржы министрі жұдырық ала жүгіріп, Маскқа қарсы шап берген. Араға бірнеше адам түсіп, екеуін әрең ажыратқан”, – делінген деректе.
Айта кетейік, дәл осы кезеңде Маск пен Трамптың арасындағы қарым-қатынас күрт нашарлай бастаған.