RUS
SMARTNEWS.KZ басылымының хабарлауынша, белгілі актриса Лидия Кәденованың ұлы, елге танымал шоумен әрі тележүргізуші Дидар Кәден отбасындағы қуанышты жаңалығын бөлісті. Ол екінші некесінен тағы бір ұлды болғанын Instagram парақшасында хабарлап, көпшіліктен сүйінші сұрады.
Шоумен сәбидің дүниеге келуін әсерлі өлең жолдарымен жеткізді. Жаңа туған ұлының өмірге келуін үлкен тағдыр сыйы деп бағалаған ол, жазбасына жұбайымен түскен суретін де тіркеген.
"Сүйінші!
Биіктен көрінгендей бүгін белгі,
Бір шаттық кернеп жатыр шын іргемді.
Өмірді тағы бір рет ұғындырып,
Тәңір маған тағы бір ғұмыр берді.
Шыр-пыр боп, той тойлатып жүргенімде
Шыр етіп дүниеге ұлым келді", – деп жазды Дидар парақшасында.
Желі қолданушылары Дидарды құттықтап, отбасына амандық пен балаға ұзақ ғұмыр тіледі.
Айта кетейік, Дидар Кәден — қазақстандық шоу-бизнес өкілі, түрлі телевизиялық жобалар мен концерттердің жүргізушісі ретінде танылған тұлға. Ол анасы Лидия Кәденова сынды өнер адамдарының әулетінен шыққан.