RUS
SMARTNEWS.KZ басылымының хабарлауынша, белгілі әнші әрі актриса Жанар Айжанова жұрттың сынына жиі ұшыраған күйеу баласы Сәкен Қағаровтың шашын өз қолымен қиып тастады. Бұл сәтті қызы Айжұлдыз Адайбекова Instagram парақшасында жариялап, елге «армандар орындалады» деген әзіл-қатпарлы жазбасымен бөлісті.
Сәкен Қағаровтың ерекше бұйра әрі ұзын шашы бұған дейін әлеуметтік желі қолданушылары арасында қызу талқыланған еді. Көпшілік оның сырт келбетіне сын айтып, «Бұйрабас», «Дударбас» деп мазақтаған. Осы пікірлерге бейжай қарамаған Жанар Айжанова да мәселені ашық айтып, қызының таңдауы мен отбасы жайлы шын жүректен сыр шертті.
– “Сәкеннің шашын көріп, халық «Дударбас» деп мазақтайды. Әңгіме қылып, күледі. Маған соның шашының бұйралығы ұнайды. Айжұлдыз бейсаналы түрде осы жігітті өзінің жағына ұқсатып таңдаған. Менің енемнің шашы – саусақ кірмейтін тасбұйра. Қайынсіңлілерім де сондай. Назар аумаған – Айжұлдыздың әкесі. Назар жасқа толғанда 90-дағы енем келіп, “Өлгенім тірілгендей күйде отырмын. Адайбектің көшірмесі екен” деді. Қан тартпай қоймайды екен”, – дейді әнші.
Ал Айжұлдыз Адайбекова болса, жұрттың көптен күткен «арманы» орындалғанын әзілмен жеткізді:
“Хейтерлер, сәлем! Армандар орындалады”, – деп жазды ол күйеуінің шашы алынып жатқан сәттен бейнежазба бөлісіп.
Көпшілік әзіл мен шындық аралас бұл оқиғаға түрлі пікір білдіріп, кейбірі Жанар Айжанованың шешімін қолдаса, енді бірі Сәкеннің бұрынғы стиліне қайта оралуды тіледі.