RUS
SMARTNEWS.KZ басылымының хабарлауынша, танымал ресейлік продюсер Арутюн Тамамян Лос-Анджелестегі мейрамханада жұмыс істеп жүрген қазақстандық әнші Айдана Байтұрсынованың өнеріне жоғары баға берді.
Мейрамхана қонағы ретінде келген Тамамянға Айдана өз даусын көрсетіп, ән орындап берді. Продюсер әнші қыздың өнерін өзінің әлеуметтік желідегі парақшасына жүктеп, "Ән де, дауысыңыз да, орындауыңыз да — тіпті жаман емес, тамаша!" деп пікір білдірді.
Арутюн ү – Fargo лақап атымен танымал, Тимати, Дима Билан, Ольга Бузова сияқты шоу-бизнес өкілдерімен жұмыс істеген белгілі продюсер, музыкант және DJ.
Видео жарияланған соң Айданаға қатысты көптеген сұрақтар туындап, жұрт оның кім екенін іздей бастады. Оны көпшілік әнші емес, журналист ретінде танитынын айтты. Осыған байланысты KYN.KZ тілшісі бұрынғы әріптесімен байланысып, мән-жайды анықтады.
"Қазақстанда 10 жылдан астам 'Евразия Бірінші' арнасында жұмыс істедім. Журналистикамен қатар ән айту — бала күнгі арманым. Қазір АҚШ-та Green Card-пен тұрып жатырмын. Алғашқыда түрлі жұмыстар істедім. Қазір бірнеше жерде қызмет етемін. Осы жерде тапқан қаражатпен авторлық әндер жазып, бейнебаян түсірдім. Арутюн Таманян сынды мықты продюсердің оң бағасына ие болғаныма қуаныштымын", – деді Айдана Байтұрсынова.
Айдана бүгінде АҚШ-та еңбек етіп жүрсе де, өнер жолынан бас тартпай, арманына қарай сеніммен қадам басып келеді.