RUS
SMARTNEWS.KZ басылымының хабарлауынша, Бразилияда 17 жастағы Ана Луиза де Оливейра Невеске белгісіз "таңсық жанкүйерден" келген торт өмірін жалмады. Кейін белгілі болғандай, бұл – қызғаныштан туған қаскөйлік.
CNN Brazil дерегінше, тортты курьер жеткізген. Қорабында: «Көргенімдегі ең сұлу қызға арнадым» деген жазу болған. Алайда, тәттіден дәм татқан соң Ана Луизаның жағдайы күрт нашарлаған – жүрегі айнып, құсып, іш өткені тоқтамаған.
Қыздың әкесі оны дереу ауруханаға апарған. Дәрігерлер «тамақтан улану» диагнозын қойғанымен, келесі күні оның жағдайы күрт нашарлап, жүрегі тоқтап қалған. Дәрігерлер араша түсе алмады.
Полиция бұл істі тергеу барысында сұмдық шындықтың бетін ашты: тортты құпия жанкүйер емес, Ана Луизаның өз құрбысы жіберген. 17 жастағы қыз оны қызғаныштан улағанын мойындаған. Ол тортқа мышьяк қосқан.
Тағы бір шындық — Ана уланған түні қаскөй қыз оның үйінде қонып, ештеңе білмегендей кейіп танытқан. Тергеп-тексеру кезінде бұл оның алғашқы әрекеті емес екені анықталды. Бұған дейін тағы бір қызды да улап көрген, себебі ол қыз екі жігітті «тартып алған» деп ойлаған. Абырой болғанда, алғашқы құрбаны аман қалған.
Қазір кәмелет жасына толмаған қылмыскер жабық тәрбие мекемесіне жіберілді. Тергеу жалғасуда.