RUS
SMARTNEWS.KZ басылымының хабарлауынша, Ақмола облысында Степногорск тұрғыны гаражда көлігін оталдырып, ұйықтап қалып, өлім аузынан қалды. Ер адам көліктен шыққан түтінге улана бастаған. Абырой болғанда, әйелі дер кезінде дабыл қаққан.
Оқиға 9 маусымда кешке тіркелді. Күйеуі бірнеше рет қоңырауға жауап бермеген соң, әйел Төтенше жағдайлар қызметіне хабарласып, жағдайды баяндаған.
"Оқиға орнына келген өрт сөндірушілер гараждың есігін арнайы құралмен ашуға мәжбүр болды. Іштен жұмыс істеп тұрған көлік пен оның жанында ес-түссіз жатқан ер адам табылды", – деді Ақмола облысы ТЖД баспасөз қызметі.
Құтқарушылар ер адамды бірден таза ауаға шығарып, жедел жәрдем қызметіне тапсырған. Қазір ол аман.
ТЖД тұрғындарды гаражда немесе басқа да жабық кеңістікте қозғалтқышы қосулы көлікті қалдырмауға, желдетусіз жерде ұзақ болмауға қатаң түрде ескертеді.