RUS
SMARTNEWS.KZ басылымының хабарлауынша, Семей қаласында жол-көлік оқиғасы салдарынан велосипед мінген азамат көз жұмды. Оқиға 10 маусым күні Папанина мен Қаржаубайұлы көшелерінің қиылысында болған.
Абай облыстық Полиция департаментінің мәліметінше, КамАЗ жүргізушісі Папанина көшесінен бұрылған кезде, жол бойымен келе жатқан велосипедшіні қағып кеткен.
"Ауыр жарақат алған ер адам оқиға орнында жан тапсырды", – делінген полиция хабарламасында.
Жедел жәрдем мен полиция қызметкерлері дереу жеткенімен, ер адамның өмірін сақтап қалу мүмкін болмады.
Қазір ҚР Қылмыстық кодексінің 345-бабы 3-бөлігі ("Көлік құралын жүргізушінің жол жүрісі ережелерін бұзуы, абайсызда адам өліміне әкелуі") бойынша сотқа дейінгі тергеу басталды. Барлық қажетті сараптамалар тағайындалды.