RUS
SMARTNEWS.KZ басылымының хабарлауынша, белгілі блогер, әнші Төреғали Төреәлінің қарындасы Фариза Төреәлі қайын атасына көлік сыйлап, жұртты таңғалдырды.
Танымал блогер Фариза Төреәлі қайын атасын көлікпен қуантты. Бұл туралы ол әлеуметтік желіде жазды.
“Әкемізге көлік сыйладық. Балаша қуанып жүр. Әлі шок болып жатыр. Жүрегі таза, көңілі кең әкеміз аман болсын! Ата-аналарымыз тек жақсылықтарымызды көрсін!” – деп жазды Фариза.
Күйеуі, спортшы Дархан Нортаевтың айтуынша, әкесі бұған дейін көлік айдауға қызықпаған.
“Әкем өмір бойы көлік айдамаған, тіпті қызығушылығы да болмаған, сұрамаған да. Ол үшін ең бастысы – бала-шағасының амандығы. Ал менің алғашқы көлігім де дәл осындай болған еді. Сол себепті, үйренуге ыңғайлы, биік әрі жайлы көлік алып бердік. Ең бастысы – әкем разы. Бұйырса, бұл – әкеме сыйлаган соңғы көлігім емес. Алла қаласа, жыл сайын бұдан да жақсы көліктерге мінгіземін деп ниеттенемін”, – деп жазды спортшы.
Әлеуметтік желі қолданушылары Фаризаның әрекетін жоғары бағалады.
«Құтты болсын!», «Нағыз үлгілі келін!», «Бізге де осындай қуаныш жұғысты болсын», «Машинаның қандай екенінде емес, бастысы – адамның шын ниетінде, перзенттерінің әкесіне деген сыйластығында. Сыйлап, ниет етіп, алып бергенінде деп ойлаймын. Тіпті мен «қандай машина екен?» деп қарамаппын да. Маған әкесінің қатты қуанып, көзінен жас шыққаны қатты әсер етті. Әкесі машина алғанына емес, перзенттерінің махаббатына, ниетіне қатты қуанды деп ойлаймын», - деп жазды олар.
Айта кетейік, бұған дейін Фариза Төреәлі туған күнінде құны 6 млн теңгелік сағат сыйға алып, жұрт талқысына түскен еді.