RUS
SMARTNEWS.KZ басылымының хабарлауынша, белгілі актриса әрі блогер Айжұлдыз Адайбекова Instagram парақшасында өмірінде бірнеше мәрте сиқыр құрбаны болғанын мәлімдеді. Оның айтуынша, мұндай жағымсыз жағдайлар оның рухани дамуына ықпал еткен.
Айжұлдыз сиқырдың нақты кімнен келгенін де білетінін айтты.
«Менің басымнан талай жағдай өтті. Ине, ойыншық секілді нәрселерді үйімнен не болмаса киімдерімнің арасынан талай таптым. Кімнің жасап жүргенін де жақсы білемін. Бірақ бұл зұлымдықтар мені әлсіреткен жоқ, керісінше иманымды күшейтті. Енді үйден дұғасыз шықпаймын, алған әрбір сыйлыққа сақтықпен қараймын. Дәретсіз, садақасыз жүрмеймін. Әр қиындықты мүмкіндікке айналдыруға тырысамын», – деп жазды ол парақшасында.
Блогердің бұл жазбасы желі қолданушылары арасында үлкен резонанс тудырды. Комментарийлер астында көптеген оқырман өз пікірлерін қалдырды.
«Ондай адамдардан құтылғаның қандай жақсы болған», «Көзіме еріксіз жас келді», «Мұны оқып, денем тітіркеніп кетті», «Сиқыр жасағандардың Құдай жазасын берсін», «Енем де маған сиқыр жасаған», «Сиқыр кері әсер етеді дейді ғой, жасаған адамның өзіне, ұрпағына дейін қайтады екен» – деп пікір білдірді желі қолданушылары.
Айжұлдыздың басынан өткен бұл жағдайлар көптеген оқырманның көкейіндегі қорқыныштар мен сенімдерді қозғап, қызу талқылауға ұласты.