RUS
SMARTNEWS.KZ басылымының хабарлауынша, 10 маусым күні таңертең Маңғыстау облысындағы Теңге ауылында, Жаңаөзенге жақын маңда мұнай бұрғылау кезінде төтенше жағдай тіркелді.
Оқиға сағат 08:30 шамасында “Petro НефтеГазсервис” ЖШС-нің №553 ұңғымасын бұрғылау кезінде болған. Компания мәліметінше, сағат 08:40-та апат оқшауланған, яғни жағдай уақтылы бақылауға алынған.
Экология департаментінің зертхана-талдау бөлімі оқиға орнында атмосфералық ауаға өлшем жүргізіп, ластаушы заттардың таралу ықтималдығын бағалады.
«Оқиға аумағынан тыс жерге ластаушы заттардың таралу қаупі тіркелген жоқ. Ауа құрамына жасалған талдау нәтижесінде метан газының шекті мөлшерден асқаны анықталды. Қосымша шаралар туралы кейінірек хабарланады», — делінген ресми хабарламада.