RUS
SMARTNEWS.KZ басылымының хабарлауынша, Алла Пугачёва Израиль мен Иран арасындағы әскери шиеленіске қатысты пікір білдірмегені үшін әлеуметтік желі қолданушыларының сынына ұшырады.
Желіде көптеген қолданушылар әншінің үнсіз қалғанына наразы. Олар Пугачеваның бұған дейін Ресей әрекеттерін ашық сынағанын, бірақ қазіргі Таяу Шығыстағы әскери жанжал кезінде ешқандай мәлімдеме жасамағанын еске салды.
«Бұрын Ресей туралы ашық айтып жүрген еді, ал мұнда – тырс еткен үн жоқ. Бұл – жиіркенішті үнсіздік», – деп жазды желі қолданушыларының бірі.
Сынға Алланың жары, Ресейде «шетелдік агент» деп танылған Максим Галкин де ілікті. Ол да Израиль мен Иран арасындағы қақтығысқа қатысты ешқандай пікір білдірмеген.
Еске салайық, 13 маусымға қараған түні Израиль «Қайта оянған арыстан» әскери операциясын бастап, Иран аумағындағы бірқатар ядролық және әскери нысандарды атқылады. Сол күні кешке Иран жауап ретінде «Шынайы уәде – 3» операциясын жариялап, Израильге қарай зымырандар атқанын хабарлады.
Қақтығыс күшейіп келеді. Халықаралық қауымдастық жағдайдың ушығуына алаңдаушылық білдіруде.