RUS
SMARTNEWS.KZ басылымының хабарлауынша, Қайрат Нұртастың жары, актриса Жұлдыз Әбдікәрімова тағы да жұрттың назарын өзіне аударды. Бұл жолы ол қызы Сезімнің мектеп бітіру кешінде көзге түсті.
Әлеуметтік желі қолданушылары 37 жастағы актрисаның мінсіз мүсініне таңғалып, тіпті оның жүктілігіне күмән келтіре бастады. Айтуларынша, Жұлдыздың жарқыраған келбеті мен жинақы пішіні оның өзі көтермегенін, баланы суррогат ана көтеріп жүрген болуы мүмкін екенін меңзейді.
«Расымен өзі көтеріп жүр ме?», «Баласын суррогат ана көтеріп жүрген сияқты. Сосын өзі босанғандай бола салады. Немесе ЭКО. Бұл енді кинодағыдай менің сюжетім», «Өзің 11 сынып оқып жүріп көтеріп қойғандай боп тұрсың. Тфай-тфай, көз тимесін. Киім ішінен тұзды түйреуішпен түйреп алатын адамсың ғой», – деп пікір білдірді кейбір желі қолданушылары.
Жұлдыз Әбдікәрімова бұл күмәндерге ренжудің орнына, әзілмен жауап беріп, оқырмандарының кей пікірлерін стористе жариялады.
«Қиялдарыңызда шек жоқ қой. Негізі менің оқырмандарымның басым бөлігі сценарист», – деп жазды ол.