RUS
SMARTNEWS.KZ басылымының хабарлауынша, Өзбекстанның Андижан облысында 39 жастағы ер адам өз үйінің жертөлесінде антисанитарлық жағдайда жасырын діни мектеп ашып, онда 20-ға жуық баланы оқытқаны үшін қамауға алынды. Бұл туралы Андижан облыстық ІІБ хабарлады.
Ол Андижан, Самарқанд, Сурхандария, Хорезм және Ташкенттен келген балаларды сәуір айынан бастап оқытқан. Әр бала үшін ай сайын 100 доллар алып отырған.
Аталған азаматқа діни ілімдерді оқыту тәртібін бұзу бабы бойынша әкімшілік хаттама толтырылып, 10 тәулікке қамау жазасы тағайындалды. Сондай-ақ, кәмелетке толмағандардың ата-аналарына да шара қолданылмақ.
Бұған дейін де Ферғана облысында мемлекеттік қауіпсіздік қызметі мен құқық қорғау органдары бірлесіп, антисанитарлық жағдайда діни сабақ өткізген бірнеше оқиғаны анықтаған болатын. Сабақтар жекеменшік үйлерде, рұқсатсыз жүргізілген.