RUS
SMARTNEWS.KZ басылымының хабарлауынша, Германияның Франкфурт-на-Майне қаласының Жоғарғы аймақтық соты сириялық дәрігерді адамзатқа қарсы қылмыс жасағаны үшін өмір бойына бас бостандығынан айырды. Ол 2011–2012 жылдары Сирияда Асад режиміне қызмет етіп, тұтқындарды азаптап, кемі екі адамды өлтірген.
Алаа М. есімді 40 жастағы дәрігер кейін Германияға қоныс аударып, сол елдің солтүстігіндегі бірнеше клиникада хирург-ортопед болып жұмыс істеген. Бірақ 2020 жылы сириялық босқындар оның бет-әлпетін деректі фильмнен танып, полицияға хабар берген. Осыдан соң дәрігер қамауға алынып, 2022 жылы сот процесі басталған.
Сот оның кінәсін толық дәлелденді деп танып, тек өмір бойы түрмеде отырумен шектелмей, қылмыстың ерекше ауыр сипатына байланысты бостандыққа шығу мүмкіндігін де шектеді. Яғни, мерзімі аяқталған соң да алдын ала сақтық мақсатында түрмеде қала береді.
Тергеу барысында Алаа М. Хомс пен Меззех қалаларындағы әскери госпитальдар мен түрмелерде қызмет еткен, тұтқындарды жүйелі түрде азаптап, ауыр жарақат келтіргені және екі адамды өлтіргені анықталған.
Сот үкімінен кейін төрағалық еткен судья:
“Қай жерде жүрсе де, ешбір азаптаушы жазадан құтылмайды”, — деді.