RUS
SMARTNEWS.KZ басылымының хабарлауынша, Францияның шетелдік аймақтарына бару үшін енді ресейліктерге арнайы DFA визасын рәсімдеу қажет. Ал Испания 2024 жылғы 12 шілдеден бастап ресейлік азаматтардан транзиттік виза талап етеді. Бұл туралы Ресейдің Туроператорлар қауымдастығы мен Испанияның Мәскеудегі консулдығы хабарлады.
Францияның талаптары қандай?
Бұрын Францияның шетелдік аймақтарына (мысалы, Француз Полинезиясы, Мартиника, Гваделупа, Реюньон, т.б.) бару үшін алты айлық шенген визасы жеткілікті болатын. Енді Ресей мен Беларусь азаматтарына арнайы DFA визасын алу міндеттеледі.
Жаңа талаптар Францияның ұлттық визасы (категория D) барларға, сондай-ақ ЕО және ЕЭЗ елдерінде (мысалы, Германия, Норвегия, Исландия, Лихтенштейн) тұруға ықтиярхаты бар адамдарға қолданылмайды.
Испания не өзгертті?
2024 жылдың 12 шілдесінен бастап ресейлік азаматтар Испания әуежайлары арқылы халықаралық транзит жасағысы келсе, TAP санатындағы транзиттік виза алуы тиіс. Бұрын транзиттік аймақтан шықпасаң, ондай виза талап етілмейтін.
Бұл талап шенген визасы немесе ЕО елінде тұруға рұқсаты барларға жүрмейді.
Бұған дейін Чехия (2022), Ұлыбритания (2023) және Франция (кейбір бағыттар үшін) транзиттік визаларды енгізген. Ал 2024 жылғы мамырда Норвегия Ресей азаматтарына туристік және транзиттік сапарларға толық тыйым салды.
Осылайша, Еуропа елдері Ресей азаматтарына шектеулерді біртіндеп күшейтіп келеді. Бұл виза саясаты туризм мен іскерлік сапарларға тікелей әсер етуде.