«Тіркеліп үлгеру керек»: Халық Дәулет Мұқаевқа тұсау кестіру үшін кезекке тұрып жүр
Ол екі күнде 60 баланың тұсауын кесетінін айтты.
SMARTNEWS.KZ басылымының хабарлауынша, Мәжіліс депутаты әрі блогер Дәулет Мұқаев 5-6 шілде күндері 50-60 баланың тұсауын кесетінін мәлімдеді. Бұл туралы ол Instagram парақшасында жарнама жариялап, өз оқырмандарына ескерту жасады.
«Stories-те жарнама бере сала менеджерге жазып, тіркеліп үлгеру керек. Бір жарнама бергенде 10-12 минут ішінде 50-60 баланың тізімі толып қалады. Содан кейін жарнама өшеді, менеджердің байланыс нөмірлері де өшеді», — деді Мұқаев.
Ол тұсау кесу рәсімін ақысыз түрде атқарып жүргенін айтты. Яғни, ешқандай ата-анадан бұл үшін ақша алмайды.
«Баламның тұсауын кесіп берші» деген өтініш көбейіп кеткен соң, осындай екі күндік арнайы акция өткізуге мәжбүр болдым», — дейді депутат.
Мұндай іс-шараны ол бұған дейін де бірнеше рет ұйымдастырған. Мұқаев тұсау кесуді балаға тілек айту мен батаның бір түрі деп есептейтінін және бұл дәстүрді қолдайтынын жиі айтып келеді.
Материал авторы
