RUS
SMARTNEWS.KZ басылымының хабарлауынша, Сенат кулуарында Еңбек және халықты әлеуметтік қорғау министрі Светлана Жақыпова егер бүгін зейнетке шықса, қандай көлемде зейнетақы алуы мүмкін екенін айтты.
"Мен 3 түрлі төлем алар едім. Өйткені жұмыс өтілім 1998 жылдан бұрын басталды. 16 жастан бастап, 10-сыныптан кейін жұмыс істедім. Сондықтан менде базалық зейнетақы, БЖЗҚ-дан жинақ және еңбек өтіліне байланысты зейнетақы төлемі бар", — деді министр.
Дегенмен, министр зейнетақының нақты сомасын есептемеген. Оның айтуынша, бәрі орташа деңгейдегі азаматтармен бірдей болар еді.
"Егер бүгін зейнетке шықсам, базалық зейнетақым — шамамен 32 мың теңге. Бұл — ең төменгі деңгей. Ал қазіргі таңда базалық зейнетақының орташа мөлшері — 47 мың теңге", — деді Жақыпова.
Еске сала кетейік, бұған дейін министрлік жұмыспен қамтуға бөлінген 70 млрд теңгені бюджетке қайтаружоспарланғанын хабарлаған болатын.