RUS
SMARTNEWS.KZ басылымының хабарлауынша, Абай облысының әкімдігі мемлекеттік сатып алу порталына жалпы құны 170 миллион теңгеге бағаланған жаңа қызметтік көліктерді сатып алуға қатысты екі лот жариялады.
Бірінші лотта құны шамамен 42 миллион теңге тұратын екі люкс санатындағы автокөлік көзделген. Ал екінші лот бойынша 21 миллион теңгеден бағаланатын төрт жеңіл автокөлік сатып алынбақ. Осылайша, алты көлік үшін бөлінетін жалпы сома – 170 миллион теңге.
Облыс әкімдігі бұл сатып алудың себебін түсіндіріп, көліктердің шетелдік қонақтарды, сондай-ақ мемлекеттік қорғаудағы тұлғаларды қарсы алу және оларды тасымалдау мақсатында пайдаланылатынын мәлімдеді. Бұған қоса, жаңа көліктер облыстың шалғай аудандарына қауіпсіз әрі сенімді сапарлар үшін қажет екені айтылды.
Ресми мәліметке сәйкес, қазіргі таңда облыс әкімдігінің автопаркіндегі көлік саны – 16, бұл рұқсат етілген норматив шегінде. Бірақ әкімдік балансындағы көліктердің жалпы нарықтық құны 300 миллион теңгеден асып жығылады.
