RUS
SMARTNEWS.KZ басылымының хабарлауынша, Мажарстан астанасы Будапештте өткен дзюдодан әлем чемпионатында 60 келі салмақта қола жүлде иеленген Моңғолия қазағы Ёлка Кәдірбекке жерлестері үлкен құрмет көрсетті.
Баян-Өлгей аймағының азаматтары чемпионды автокөлікпен марапаттап, мерейін өсірді. Сонымен қатар, Моңғолияның Еңбек және халықты әлеуметтік қорғау министрі Тілеухан Әбубәкір дзюдошыны өзі күтіп алып, 10 миллион төгрөг (шамамен 1,5 миллион теңге) ақшалай сыйақы табыстады.
«Бұл медаль – жай ғана спорттық жетістік емес. Бұл – Баян-Өлгий жастарының қайраты мен сенімінің айқын көрінісі. Ёлканың жеңісі жастарды спортқа шабыттандырады деп сенемін», – деді министр.
Айта кетейік, Моңғолия құрамасы аталған чемпионатқа 18 спортшы апарған. Алайда медаль иеленгендердің қатарында тек екі спортшы бар. Ерлер арасындағы жалғыз жүлде – дәл осы қазақ баласы Ёлка Кәдірбектікі.
Ёлка – Олимпиадалық спорт түрінен әлем чемпионатында жүлде алған тұңғыш моңғолиялық қазақ.