RUS
SMARTNEWS.KZ басылымының хабарлауынша, Қазақстанның бірінші ракеткасы Александр Бублик әлемнің үздік 30 теннисшісінің қатарына енді. Бұл туралы Кәсіби теннисшілер қауымдастығы (ATP) жаңартылған рейтингіне сүйеніп хабарланды.
Кеше ғана Германияның Галле қаласында өткен ATP 500 турнирінде чемпион атанған Бублик 45-орыннан бірден 30-сатыға көтерілді. Бұл — оның соңғы бір жылдағы үздік нәтижесі. Еске салайық, Александр былтыр 6 мамырда 17-орынға дейін көтерілген болатын.
Осы аптада Бублик ATP 250 санатындағы Истбурн турниріне қатысады. Алғашқы қарсыласы — аргентиналық Франсиско Комесанья.
Қазақ теннисшілерінің қазіргі рейтингтері:
Александр Шевченко – 97-орын (өзгеріссіз)
Дмитрий Попко – 178-орын (181-ден көтерілді)
Михаил Кукушкин – 190-орын (191-ден көтерілді)
Тимофей Скатов – 212-орын (215-тен көтерілді)
Бейбіт Жұқаев – 251-орын (244-тен төмендеді)
Бүгін осы төрт спортшы Уимблдон турнирінің іріктеу кезеңінде алғашқы матчтарын өткізеді.
Қазақстанның әйелдер арасындағы үздік теннисшісі Елена Рыбакина Берлиндегі жарыста ширек финалға дейін жетіп, рейтингтегі 11-орнын сақтап қалды. Ол аталған турнирде беларусьтік Арина Соболенкоға есе жіберген болатын.
Ал Юлия Путинцева 27-орыннан 34-сатыға сырғыды. Зарина Дияс 275-тен 274-ке, Жібек Құламбаева 308-ден 306-орынға көтерілді.
Айта кетейік, Зарина Дияс жуырда Испанияда өткен халықаралық жарыста жеңімпаз атанған.