RUS
SMARTNEWS.KZ басылымының хабарлауынша, Қазақстанда инвесторлар мен кәсіпкерлердің құқықтарын қорғау бағытында нақты тетік енгізілді. Бұл туралы Kazinform агенттігінің BIZDIÑ ORTA подкастында ҚР Бас Прокурорының орынбасары Жандос Өмірәлиев айтты.
«Инвесторларды қорғау – заңмен бекітілген. Енді прокурордың келісімінсіз ешбір орган оларды тексере алмайды, лицензиясын қайтарып ала алмайды немесе жасалған шарттарды бұза алмайды», – деді Жандос Өмірәлиев.
Оның айтуынша, мұндай тәртіп жалпы кәсіпкерлерге қатысты қылмыстық істер бойынша да қолданылады.
«Бұл – Бас прокурордың тікелей нұсқауы. Егер дау азаматтық-құқықтық келісімшарттардан туындаса, ол тек сот арқылы шешілуі тиіс. Құқық қорғау органдарының араласуы қысым ретінде қабылдануы мүмкін», – деп түсіндірді ол.
Бас прокуратураның ұстанымына сәйкес, мемлекеттік құрылымдар бизнесті жазалау емес, қорғау жағынабейімделуі қажет. Бұл тәсіл инвестициялық ахуалды жақсартып, кәсіпкерлерге сенімді орта қалыптастыруға бағытталған.