RUS
SMARTNEWS.KZ басылымының хабарлауынша, Атырау қаласының Береке ықшамауданында ер адам қызды тұрғын үйдің кіреберісінде қатыгездікпен ұрып-соққан. Оқиға №30 үйдің подъезінде болған.
Желіде тараған видеода ер адамның қызды бірнеше рет басынан ұрып, аяқпен тепкені көрінеді. Жәбірленуші жерге құлап түскен. Шуды естіген көрші әйел сыртқа шығып, жағдайға араласқан соң ғана күдікті оқиға орнынан кетіп қалған.
Атырау облыстық полиция департаменті күдіктінің ұсталып, бөлімшеге жеткізілгенін растады.
«Аталған дерек бойынша ҚР Қылмыстық кодексінің “Денеге жеңіл зақым келтіру” бабымен сотқа дейінгі тергеу басталды. Тергеу амалдары жүргізілуде», — деп хабарлады ведомствоның баспасөз қызметі.
Тергеу мүддесіне байланысты өзге мәліметтер жария етілмейді.