RUS
SMARTNEWS.KZ басылымының хабарлауынша, Шерзат Полаттың өліміне қатысты атышулы іс бойынша сотталған жеті адам үкімге қарсы апелляциялық шағым түсірді. Бұл туралы зардап шеккен тараптың адвокаты Мейірман Шекеев мәлімдеді.
Оның айтуынша, 21 маусымда шығарылған үкім заңды күшіне енген. Енді сотталушылар мен олардың қорғаушыларының үкімге шағымдануға 15 күн уақыты бар.
– Қазіргі таңда бізге белгілісі – сотталушылар Белғожаев пен Думан Ысқақтан басқасының барлығы апелляцияға жүгінген. Ал нақты қашан қаралатыны жақын күндері анықталады, – деді Шекеев.
Еске салайық, 5 маусымда бұл іс бойынша 9 адамға үкім шыққан болатын.
Сот шешімімен Шерзаттың өліміне басты кінәлі деп Абзал Шынасыл танылып, 23 жылға бас бостағынан айырылды. Ал Равиль Сакиев «Адам өлтіруге оқталу» фактісі бойынша 20 жылға, бұзақылық бабымен Азамат Тоқтаубаев 15 жылға, Нұрқияс Ілиясов 9 жылға сотталды.
Сондай-ақ Шыңғыс Белғожаев, Дархан Әскентай, Нұрбол Тоқтаубаев, Дидар Қалиахметті 7 жылға орташа қауіпсіздіктегі мекемеде жазасын өтеуге үкім кесілді. Кәмелетке толмаған жасөспірімге марқұмның әкесі Қаржаубай Нұрымов кешірім беретінін айтқан. Оған аса ауыр қылмысты хабарламады деген айып тағылып, 1 жыл 6 ай мерзімге кәмелетке толмағандарға арналған түзеу мекемесіне жіберілді.