RUS
SMARTNEWS.KZ басылымының хабарлауынша, Астанада осы күзде іске қосылады деп жоспарланған жеңіл рельсті көлік (LRT) жүйесінің жаңа вагондарына белгісіз біреулер граффити салып кеткен. Бұл туралы Telegram желісіндегі "Астана — Что? Где? Когда?" арнасы хабарлады. Арна боялған вагондардың суреттерін де жариялаған.
Оқиғаға қатысты "Қалалық көлік жүйелері" (CTS) компаниясы түсініктеме берді. Олар вандализм фактісін растады және бұл жөнінде құқық қорғау органдарына хабарланғанын айтты.
"Бұл оқиға бойынша қылмыстық іс қозғалды. Айта кетейік, вагондар арнайы қорғаныс қабатымен қапталған, сондықтан бояу негізгі жабынға сіңіп кетпейді", – деді CTS өкілдері.
Қазіргі уақытта граффитиді тазалау жұмыстары басталып кеткен. Компания шығын көлемін нақтыламады, алайда вагондарға зиян аз тигенін хабарлады.