RUS
SMARTNEWS.KZ басылымының хабарлауынша, Сенат төрағасы Мәулен Әшімбаев елімізде биыл күзде Парламент сайлауы өтеді деген ақпаратты жоққа шығарды. Бұл туралы ол Сенаттың жалпы отырысынан кейін журналистердің сұрағына жауап беріп айтты.
"Кейбіреулер осындай ақпаратты таратып жүрген болар. Өздеріңіз көріп отырғандай, Парламентте ауқымды заңнамалық күн тәртібі қамтылған. Үлкен заңдарды қарап жатырмыз. Сондықтан қандай да бір мерзімінен бұрын сайлау өтеді деп айтуға ешқандай негіз жоқ", – деді Әшімбаев.
Сенат төрағасы қазіргі сессия аясында маңызды заң жобалары қаралып жатқанын, алдағы уақытта да бұл жұмыс жалғасатынын айтты.
Айта кетейік, бұған дейін Мәулен Әшімбаев Ұлттық құрылтайдың қорытындысына байланысты пікір білдіріп, Мемлекет басшысының қатысуымен өткен жиында көтерілген басты мәселелерге тоқталған еді.