RUS
SMARTNEWS.KZ басылымының хабарлауынша, Түркиядағы оппозициялық Республикалық халық партиясының (РХП) көшбасшысы Өзгүр Өзел президент Режеп Тайып Ердоғанды мерзімінен бұрын сайлау өткізуге шақырды.
РХП партиясының Бююкчекмедже ауданындағы кездесуінде сөйлеген Өзел соңғы әлеуметтік сауалнамаларда РХП-ға қолдау 40%-дан асатынын, ал Ердоған негізін қалаған Әділет және даму партиясының (AKP) рейтингі 30%-дан төмен екенін айтты.
"РХП-ның рейтингі – 40 пайыздан жоғары, ал сенің партияң – 29 пайыз. Мен сені 29 пайызбен ол жерде тыныш отыруыңа жол бермеймін. Жүрегің дауаласа, 2 қараша, жексенбі күні сайлау жәшігін алып шық!" – деді Өзгүр Өзел.
Айта кетейік, бұған дейін, наурыз айында Өзел президент Ердоғанға сенімсіздік білдіріп, мерзімінен бұрын сайлау өткізу үшін 27,7 миллион қол жинау науқанын бастаған еді. Бұл – 2023 жылғы сайлауда Ердоған жинаған дауыс санына тең. Науқан Стамбул мэрі Экрем Имамоглудың тұтқындалуы және оппозициялық мэрлерге жасалған қысымнан кейін басталды.