RUS
SMARTNEWS.KZ басылымының хабарлауынша, KeшYou тобының бұрынғы мүшесі, танымал әнші Ақбота-Нұр Сейітмағамбет жеке өміріне қатысты жазбасымен желі қолданушыларын ойландырып қойды. Қазір шетелде жүрген өнер иесі Instagram парақшасында жаңа суретін жариялап, оған әсерлі мәтін қалдырған.
"Адамның ең шынайы сезімі – сөз айтпай-ақ, жаныңды жылытып жіберетін сәтте сезіледі", – деп жазды әнші.
Бір қызығы, дәл осы сөзді Ақбота Instagram Stories бөлімінде бөлісіп, астына:
"Алла қаласа, тұрмысқа шығайын деп жүрген қыздың сөзі ғой", – деп жазып, көпшілікті елең еткізді.
Бұл жазба оқырмандар арасында қызу талқыланды. Кейбірі әншіге шын жүректен бақыт тілесе, енді бірі "неке жөніндегі" жазбаның шындығына көз жеткізгісі келіп, сұрақ жаудырды.
Желі қолданушыларының пікірлері:
"Ең сұлу қалыңдық – 2025!", "Махаббаттарыңыз мәңгілік болсын!", "Бақытты болыңыз, Ақбота!", "Бағың ашылып, өмірің шуақты болсын, айналайын!"
Осылайша, Ақбота-Нұр Сейітмағамбеттің жеке өміріндегі жағымды өзгеріс туралы ишара жасағаны желіде қызу талқыланып жатыр. Алайда әнші әзірге нақты ештеңе растаған жоқ.