RUS
SMARTNEWS.KZ басылымының хабарлауынша, 2025 жылдың алғашқы бес айында 5 496 этникалық қазақ қандас мәртебесін алды. Бұл туралы Еңбек және халықты әлеуметтік қорғау министрлігі хабарлады. Жалпы 1991 жылдан бері елге 1,15 млн-нан астам қандас оралған.
Биылғы қандастардың географиясы мынадай:
45,8% — Қытайдан
41,2% — Өзбекстаннан
5,5% — Түрікменстаннан
2,6% — Моңғолиядан
2,4% — Ресейден
2,5% — басқа елдерден
Жас шамасы бойынша:
60,1% — еңбекке қабілетті жастағылар
31% — кәмелетке толмағандар
8,9% — зейнеткерлер
Білім деңгейі:
17% — жоғары білімді
27,4% — арнаулы орта
53,2% — жалпы орта
2,4% — білімі жоқ
Қоныстану аймақтары мен квота:
Қандастар негізінен еңбек күші жетіспейтін өңірлерге (Ақмола, Абай, Қостанай, Павлодар, Атырау, ШҚО, СҚО және БҚО) қоныстанып жатыр. 2025 жылға арналған квота – 2 309 адам. Жыл ортасына дейін 917 адам солтүстік пен шығысқа көшкен.
Мемлекеттік қолдау:
Көшуге – әр адамға 70 АЕК (275,2 мың теңге)
Бір жыл бойы баспана мен коммуналдық қызметтерге – 15–30 АЕК (59–118 мың теңге)
Бұдан бөлек, 340 адам түрлі қолдау шараларын алып, 163 қандас тұрақты жұмысқа орналасты. Сонымен бірге, солтүстікке ерікті көшуге ынталандыру үшін экономикалық ұтқырлық сертификаты енгізілді. Ол арқылы үй алуға немесе ипотекалық алғашқы жарнаны жабуға 4,56 млн теңгеге дейін қайтарымсыз көмек беріледі.